هونهرمهند چۆپی له 2/8/2007 بۆ ئهنجامدانی کۆنسێرتێك دهگاته قامیشلۆ.

هونهرمهند چۆپی پاش ئهوهی ساڵی پار، کۆنسێرتێکی به سهرکهوتوویی له شاری قامیشلۆ ئهنجامدا و بوو به جێی ڕهزامهندی جهماوهرهکهی لهو شاره خۆشهویستهی وڵاتهکهماندا، وا ئهم ساڵیش بانگهێشت کرایهوه بۆ قامیشلۆ.

هاوکارانی هونهرمهند چۆپی لهو کۆنسێرتهدا هونهرمهند( فارووق باپیر ) ه که سهرۆکی تیپی مۆزیکی هونهرمهند چۆپییه به فیۆڵ بهشداری دهکات و ههروهها هونهرمهندی بهڕێز( هیوا جهمال ) ه به کیبۆرد بهشداری دهکات و باوك و مهنهجهری هونهرمهندیش ئیحسان فهتاح له ناو ئهم گهشتهدایه.

جێی ئاماژه پێکردنه سێ هونهرمهندی ئهو دهڤهرهش له سهر پرۆگرامی کۆنسێرتهکه له خۆئامادهکردن دان، ههردوولا خوازیارن پێش کۆنسێرتهکه پرۆڤه و ڕاهێنان له سهر پرۆگرامی کۆنسێرتهکه بکهن. بۆیه گهشتهکهیان حهوت ڕۆژی پێ دهچێت .

ئهم کۆنسێرته له 2/8/2007 دهکرێت ، ئهوانهی تا ئێستا، بلیتی هاتنه ژورهوهیان وهرگرتووه زۆربهیان پزیشك و دهرمانساز و خوێندکاری قامیشلۆن . بهگوێرهی پهیڤی یهکێك له ڕێکخراوی پزیشكی و دهرمانسازانی قامیشلۆ، زیاتر له 850 پزیشك و دهرمانسازی کورد له قامیشلۆ دهژیین.

ئهوهی جێی باسه هونهرمهند چۆپی بهههردوو زاراوهی کورمانجی سهروو و کورمانجی خواروو ستران دهچڕێ، بۆیه له کوردستانی ڕۆژئاوا و کوردستانی باکووریش جهماوهرێکی بهرچاوی ههیه و زوو زوو بانگهێشتی ئهو بهشانهی کوردستان دهکرێتهوه، یهکێك له خهوهکانی هونهرمهند چۆپی ئهوهیه که ببێته سترانبێژێکی نهتهوهیی ،لهسهر ئاستی کوردستانی گهوره.