وه‌زاره‌تى په‌روه‌رده‌ سرووده‌ نیشتیمانیه‌کان یه‌ک ده‌خات

وه‌زاره‌تى په‌روه‌رده‌ لیژنه‌یه‌کى شاره‌زاو پسپۆرى راسپاردووه‌ که‌سرووده‌ نیشتمانیه‌کان یه‌ک بخات بۆ سه‌رجه‌م قوتابخانه‌ سه‌ره‌تایى و ناوه‌ندى و دواناوه‌ندییه‌کان و باخچه‌ى ساوایان .
به‌مه‌به‌ستى یه‌کخستنه‌وه‌ى سروود و گۆرانیه‌ نیشتیمانیه‌کان و به‌رجه‌سته‌ کردنیان به‌شێوه‌یه‌کى زانستى له‌سه‌رجه‌م قوتابخانه‌ و خوێندنگاکانى هه‌رێمى کوردستان و نوسینه‌وه‌ى تێکست و نۆته‌کانیان ده‌قا و ده‌ق و به‌بىَ ده‌ستکارى میلۆدى بابه‌ته‌کان و گرتنه‌وه‌ى به‌شێوه‌یه‌کى هونه‌ریى و تۆمارکردنیان به‌ شێوه‌ى CD دڵشاد عه‌بدولره‌حمان وه‌زیرى په‌روه‌رده‌ى حکومه‌تى هه‌رێمى کوردستان لیژنه‌یه‌کى شاره‌زا و پسپۆڕ له‌بواره‌کانى موزیک و گۆرانى دروست کردووه‌ که‌پێک هاتبوون له‌( لوقمان جوهه‌ر ــ فه‌رهه‌نگ غه‌فور ــ به‌کر خالد ـ هه‌ڵبه‌ست سه‌ڵاح ـ هوشیار مه‌رجان).
له‌هه‌فته‌ى رابردوودا ئه‌و وه‌فده‌ سه‌ردانى شارى سلێمانیان کردوه‌و له‌گه‌ڵ ده‌زگا هونه‌ریى و په‌روه‌رده‌یه‌کانى شارى سلێمانى کۆبوه‌نه‌ته‌وه‌و له‌گه‌ڵ چه‌ندین هونه‌رمه‌ندى خاوه‌ن ئه‌زموونى ئه‌و شاره‌ گفتو گۆ کراوه‌ بۆ ئه‌و مه‌به‌سته‌.
هه‌ڵبه‌ست سه‌لاح ئه‌ندامى لیژنه‌که‌ به‌ماڵپه‌رى گه‌نجانى وت "بۆ ئه‌وه‌ى به‌جوانترین و نوێترین ستایلى ته‌کنیکى کاره‌ هونه‌رییه‌کان بسسازێنن و هه‌روه‌ها نیاز وایه‌ شاندى ناوبرا و له‌گه‌ڵ هونه‌رمه‌نده‌کانى شاره‌ جیا جیاکانى کوردستان کۆبونه‌وه‌ ئه‌نجام بده‌ن له‌ ئاینده‌یه‌کى نزیک ئه‌و ئه‌و ئه‌لبومه‌ هونه‌رییه‌ وه‌ک بڕیارێک و میتودێک له‌گشت قۆناغه‌کانى خوێندن له‌(باخچه‌ى ساوایان و سه‌ره‌تایى و ناوه‌ندى و دواناوه‌ندى .... تاد) به‌رجه‌سته‌ بکات".