سیروان سیرینی : ههروهك بۆ جاری یهكهم هونهرمهندی گهوره ئهحمهد جوادی لاوكی كوردی نووسیوهتهوه ، با ئێمهش ههوڵی نووسینهوهی لاوك وحهیران بدهین

پهسار فایق- كاتژمێر سێی پاش نیوهرِۆی دوێنێ 22/1/2006 مهكتبی ناوهندی رێكخراوه پیشهیی و جهماوهریهكانی پارتی دیمكراتی كوردستان ، له گهڵ ئێنستیوتی كهلهپووری موزیكی سهر به وهرزارهتی رۆشنبیری حكومهتی ههرێمی كوردستان ، به ئامادهبوونی نوێنهری سهرۆكی حكومهتی ههرێمی كوردستان بهرِێز (عهباس غهزالی) و وهزیری رۆشنبیری بهرِێز (سامی شۆرِش) وژمارهیهكی زۆر له ئامادهبوان ، كۆرِێكی هونهری سهبارهت به موزیكی كوردی ، بۆ سۆلیستی كورد (سیروان سیرینی) له بارهگای رێكخراو گێرِا .
سهرهتا بهنمایش كردنی موزیكی سرودی ئهی رهقیب ئامادهبووان دهقیقهیهك بۆ گیانی پاكی شههیدانی كوردستان وهستان .
له دوای نیشاندانی سهمفۆنیای كوردی وچهند شاكارێكی موزیكی جیهانی شیكردهوه و له سهری دوا كه لهگهڵ ئۆكێسترایهكی ئهمریكی ئهنجامی داوه ، سهمفۆنیای كوردستان یهكێك لهو بهرههمانه بوو كهنمایش كرا كه له دوو بهش پێكهاتووه ، بهشی یهكهم : (بهرهبهیانی ههڵهبجه) بهشی دووهم: پاڵاوانانی كوردستان . دواتر بهدرێژی ئهم سهمفۆنیایهی شیكردهوه . ئهم سهمفۆنیاییه له رێگهی چهند فیلمێكی دۆكێمێنتی مۆنتاژ كراوه .
سیروان سیرینی سهبارهت بهو كاره هونهرییه مۆزیكیانهی گوتی :"له پێناو ئاسانكردن و تێگهیشتنی كۆمهڵێك وێنه و فیلمی دۆكێمێنتی مۆنتاژ كراون له گهڵ ئهم سهمفۆنینهدا بۆ ئهوهی گوێگری كوردیش رابێت چۆن گوێ له له ئۆكێسترا بگرێت له بهر ئهوهی ئێمه ههموومان دهزانین ئێمه ئهم لایهنهمان فهرامۆش كردووه ، ههروهها بۆ ئهوهی بتوانینن دهنگی رهوای گهلهكهمان بهگهلانی جیهان بناسێنینن وراستهوخۆ و كاریگهرانه لێیان به ئاگابین ."
پاشان بهرِێزی باسی له تراژیدیای ههڵهبجه كرد ، پارچهیهك مۆزیكی بهرهبهیانی ههڵهبجه به فیلمی دۆكێمێنتی نمایش كرد .
سیروان سیرینی له باسهكهیدا ئاماژهی به لاوك حهیرانی كوردی كرد كه دهبێ بنوسرێتهوه وگرنگی پێبدرێ ، سهبارهت بهمه گووتی :"ئێمه وهكو موزیك زانانی كورد دهڵێین زۆر سهحمهته یان ههرناكرێ لاوك و حهیرانی كوردی بنووسرێتهوه بهلام دهتوانم بڵێم بۆ جاری یهكهم هونهرمهندی گهوره ئهحمهد جوادی لاوكی كوردی وهكو مۆسیقا نووسیوهتهوه ، ئێمهش له گهڵ موزیك زانانی ئهمریكا كه نهكوردن نه رۆژههڵاتین ئهم مۆزیكه زۆر زۆر به لێهاتوویی دهژهنن ، ئهمهش داهێنانێكی گهورهیه "
له دوای نمایش كردن و شیكردنهوهی سهمفۆنیاكه ، بهرِێز (عهباس غهزالی) وتارێكی خوێندهوه تێیدا سوپاسی بهرِێزی كرد باسی له پێویستی گرنگی دان به هونهر كرد له كوردستان كه ئێستا بهرهو قۆناغێكی باش دهرِوات .
دواتر بهرِێز ئهحمهدی حهمه باقی وتارێكی خوێندهوه تێیدا سوپاسی سیروان سیرینی كرد بۆ ئهو كارهی كه بۆ میلهتهكهی كردووه .
هونهرمهند سیروان سیرینی له ساڵی 1966 له رهواندوز له دایك بووه ، له پهیمانگای هونهره جوانهكانی موسڵ به سهرپهرشتی مامۆستا ئهحمهد جوادی خوێندنی تهواو كردووه ، له ساڵی 1986-1987 وهك ژهنهری یهكهمی ئامێری كهمان له گهڵ تیپی سهمفۆنیایی عێراقی كاری كردووه ، یهكێك له دامهزرێنهرانی سهمفۆنیای كوردستان بووه . كاری مامۆستای له پهیمانگای هونهر جوانهكانی ههولێر كردووه ، بهژداری له چهند فیستیڤاڵی موزیكی له ناوهوه و دهرهوهی عێراق كردووه . خوێندنی له ئهمریكا تهواو كردووه ، ئێستا ئهندامی یهكێتی موزیك زانانی ئهمریكایه .