عهدنان كهریم له دیداری کوردستان ئۆنلایندا :لهوه پهشیمانم كه كهركووكم جێهێشت
دیمانه:جهلال ئهحمهد بهرزنجى
هیچ وڵاتێك نیه خاوهنى هونهرى رِهسهنى خۆى و كلتورى تایبهتى خۆى نهبێت، ئێمهى كوردیش بهههمان شێوه ساڵانێکه خزمهت بهو بواره دهكهین و چهندین هونهرمهندى بهناوبانگ و گهورهمان ههیه،بۆ ئهمجارهش به چاكمان زانى دیمانهیهكى تایبهت لهگهڵ هونهرمهندى گهوره و دهنگخۆش(عهدنان كهریم)دا سازبكهین:
Konlin: چۆن گهڕِایهوه كوردستان؟
-من بۆیه گهرِامهوه كوردستان تاوهكو بتوانم خزمهتێك به هونهرى میللهتهكهم و كاتورى تایبهتى وڵاتهكهم و نهتهوهكهم بكهنم، دیاره كه گهرِاومهتهوه كۆمهڵێك پرِۆژهى گهورهم لهبهردهست دایه كه بهنیازم له ئایندهیهكى نزیكدا ئهنجامیان بدهم.
Konlin: چۆن بوو ئهو رِێچكهیهت ههڵبژارد بۆ گۆرانیهكانت؟
-من زۆر حهزم لهداهێنانهو دهمهوێت كارى باش بكهم لهبهرئهوهى ئهمڕِۆ میللهت سهیرى كارو پرِۆژهى جوان دهكات، دوایى ئێمه میللهتێكین پێویسته ههتا بۆمان بكرێت بایهخ به بوارى هونهرى بدهین و نهیهڵین كلتوورى رِاستهقینهى وڵاتمان و میللهتهكهمان رِوو له لهناوچوون و نهمان بكات،لهبهرئهوهى هونهر زمانى میللهته.
Konlin: بهرههمى نوێت چییه؟
-به نیازم سێدێیهكى تازه بڵاوبكهمهوه كه لهگهلڕ كۆمپانیایهك رِێك كهوتووم بۆ بڵاوكردنهوهى بهرههمهكهم، ههروهها بهنیازیشم لهگهڵ گروپى میوسیكى كامگارانیش چهند پرِۆژهیهكى هونهرى تازه ئهنجام بدهم و چهند گۆرانیهیهك به هاوكارى ئهوان تۆماربكهم، ئهمهش یهكێكه لهو پرِۆژانهى كه من ماوهیهكه پێیهوه سهرقاڵم و كارى بۆدهكهم .
Konlin: خۆشهویستی؟
-بهڵىَ بهدڵنیاییهوه، بهڵام مهرج نیه ههموو هونهرمهندێكیش خۆشهویستى كردبێت.
Konlin: له ژیانت لهچى پهشیمانى؟
- لهوه پهشیمانم كه كهركووكم جێهێشت و رِووم لهههندهران كرد.
Konlin: چۆن پێناسهى كوردستان دهكهى؟
-گهورهترین و پیرۆزترین خهڵاته لهلاى من كه یهزدانى گهوره بهمنى بهخشی بێت، زۆرم پێ خۆشه كه ئێستا لهكوردستانم، بهرِاستى مهملهكهتێكه وهكو بهههشت وایه.
Konlin: حهز لهدهنگى كام هونهرمهند دهكهى؟
-زۆرن ئهوانهى من گوێیان لىَ دهگرم و حهز به دهنگیان دهكهم، لهلاى من ههموو هونهرمهندێك خۆشهویسته، بهڵام پێویسته ئهو هونهرمهندانى بهردهوام خزمهتیان به هونهرى كوردى كردووه رِێزیان لىَ بگیرێت.
Konlin: دوا وتهت بۆ كوردستان ئۆنلاین و جهماوهر چییه؟
-رِێزو خۆشهویستم ههیه بۆ ئهو ئاژانسه كه توانیان له شارى ههولێرهوه زهحمهت بكێشن و بێن سهردانیم بكهن بهراستى مایهى خۆشحاڵیمه كه ئێوه دهبینم بهم چهشنه كار دهكهن و گهرمن لهسهر كارهكانتان دووباره سوپاس بۆ كوردستان ئۆنلاینى خۆشهویست.