ناسری رهزازی له دیداری کوردستان ئۆنلایندا : تا بتوانم دوای مهرزیه ژن ناهێنم و چهند بهرههمێکی هونهری نوێم ههیه
Konline / بهرههم شێخ عزهدین : ناسری رهزازی ،له بارهی بهرههمی هونهری له دوای مهرگی مهرزییهی هاوسهری بۆ کوردستان ئۆنلاین وتی : من تا چوار مانگیش دوای مهرگی مهرزیه بڕوام نهدهکرد گۆرانی بڵێمهوه بهڵام ئهوه حهوت مانگه مهرزه کۆچی دوایی کردووه ، سوپاس بۆ خوا پێتان رادهگهیهنم که بهرههمی نوێم ههیه .
له بارهی ئهو بهرههمانهوه وتی : پێنج گۆرانیم ئامادهیه دوانیان دهچم بۆ ئهڵمانیا تۆماری دهکهم ، سیانیان ، له ههولێر به هاوکاری سهید ئهحمهد بهرزنجی ، دوو له وگۆرانیانه بۆ مهرزیه و له ساڵرۆژی کۆچکردنیدا دهیبیستن .

له بارهی ئهو دهنگۆیهوه که دهڵێ ناسر به هیوای ژنهێنانهوهیه ، وتی : به دڵنیاییهوه دهڵێم نهخێر ، له گهڵ ئهوهی مافی خۆمه ، چونکه خۆتان باش دهزانن ، له کۆمهڵگای ئێمهدا ژن دهتوانێ بێ پیاو بژی ، دهبینن به سهدان ئافرهت مێردهکانیان شههید بوون له سهر منداڵهکانیان دانیشتوون ، بهڵام بۆ پیاو زهحمهته بێ ژن بتوانێ ماڵ رابگرێ .ژن وهک بنهمایهک وایه بۆ ماڵ ، بهڵام پیاو ئهو توانایهی نییه . له گهڵ ئهوهشدا من تا بتوانم ژن ناهێنم ، بۆ چی ؟؟

وتی : چونکه کێ بێنم جێی مهرزییهم بۆ بگرێ ، من گۆرانی بێژم ، سهفهردهکهم ، گۆرانی دهڵێم ، میوانم ههیه ، سبهینێ ژنێک بێنم چاوم لێ زهق بکاتهوه ، زمانم لێ داچهقێنێ ، بمداته مهحکهمه ، ئهوه بۆ من نابێ.
وتی : زۆر عهیبه یهو قسانه ههموو ههڵبهستراون ، هێشتا ساڵێک به سهر کۆچی مهرزیه تێپهڕی نهکردووه ، کفنی زهرد نهبووه پێت دهڵێم به تهمای ژن هێنان نیم چونکه دهبێ کهسێک بێنم خزمهتم بکات وجێگای مهرزیهم بۆ بگرێتهوه ، کهسی وا شک نابهم .