سامان عومهر:هونهرمهندان و جهماوهر بایهخیان به کۆمپانیای چوارچرا نهداوه
Konbline / دیمانه:جهلال ئهحمهد بهرزنجى:
ئهگهر باس له كاره هونهرییهكانى هونهرمهندێكى وهكو(سامان عومهر)بكهین دهبینین ههر له سهرهتاى كاركردنیهوه تاوهكو ئێستاش كه بهردهوامه =توانیویهتى لهسهر ههمان رِێچكهى خۆى بمێنێتهوهو درێژهش به ئهنجامدانى كارهكانى خۆى بدات ئێمهش بهچاكمان زانى دیمانهیهكى تایبهتى بۆ كوردستان ئۆنلاین لهگهڵدا ساز بكهین:
*سامان عومهر كێیه؟
-من سامان عومهرم له ساڵى 1972 له شارى سلێمانى لهدایك بووم.
*یهكهمین بهرههمى هونهریت كهى تۆمارت كرد؟
-یهكهم بهرههمى هونهرى خۆم له ساڵى1993 تۆمارم كرد و بڵاوم كردهوه،ههر لهوساڵه بووم به ئهندامى تیپى مۆسیقاى فۆلكلۆرى كوردستان ههرلهگه ڵ ئهوتیپهدا بهشدارى ڤیستیڤال و كاره هونهرییهكانى ئهوتیپهم دهكرد و تاوهكو 1997لهو تیپهمامهوه و درێژهم بهكاره هونهرییهكانى خۆمدا.
*كێ هاوكارت بوو بۆ كارى هونهرى؟
-ئهوانهى چواردهورم كه زۆرلێم نزیكن ههموویان هاوكارم بوون و هانیان داوم بۆ ئهوهى بهردهوام بم لهسهر ئهنجامدانى كارهكانم.
*برِوات به خۆشهویستى ههیه؟
-بهڵىَ.
*خێزانت پێك هێناوه؟
-بهڵى دوومنداڵیشم ههیه بهناوى(كهزیه،كۆژین).
*چۆن پێناسهى كامهران عومهردهكهى؟
-وهكو هونهرمهندێك پێناسهى دهكهم نهك وهكو برایهك،دهتوانم بڵێم هونهرمهندێكى زۆر به تواناو سهركهوتووه،كاره هونهرییهكانى ماندووبونێكى زۆریان پێوهدیارهو ههموو وشهكانى كه به گۆرانى دهریان دهبڕێت لهناخیهوه ههڵدهقوڵێن ..
*دوابهرههمت چییه؟
-وهكو بهرههم،جارێ بهرههمم ئامادهنیه،بهڵام بهنیازم سێدێیهك بۆ ساڵى 2007 ئامادهبكهم وه ئێستا چهند گۆرانیهكم ئامادهیه،بهڵام وهكو سێدى هیچم نیه جارێ.
*سهفهرکردنت بۆ ههندهران مانای چیبوو ؟
-مهبهستى سهرهكى من لهوسهفهركردنه بایهخدان بوو به كاره هونهرییهكانم و ناساندنى كلتورى وڵاتهكهم بوو به میللهتێك كهجیاوازن لهگهڵ ئێمه.
* وهكو بهرپرسى كۆمپانیاى چوارچرا هۆكارى چى بوو ئهو كۆمپانیایه كارهكانى وهستا؟
-دیاره كۆمهڵێك كێشهمان بۆ دروست بوو ،ئیدى ناكرێت لێرهدا باسى لێوه بكهم، لهبهرئهوهى یهكجار دوورو درێژه،بهڵام هۆی گهورهى وهستانى ئهو كۆمپانیایه لهكاره هونهرییهكانى بایهخ نهدانى بوو لهلایهن هونهرمهندان و جهماوهر،كه وایان كرد ئهو كۆمپانیایه له سهرجهم چالاكیه هونهرییهكانى خۆى بوهستێ.
*دواوتهت چییه؟
-هیوادارم توانیبێتم خزمهتێك به هونهرى وڵاتهكهم كردبێت و هیواى سهركهوتنم بۆ ئێوهى خۆشهویست .