بۆ بهڕێز سهرۆکی ڕاگهیاندنی/سلێمانی  ئازاد جوندیانی

ڕێز و سڵاو

بهداخێکی زۆرهوه ههواڵی زیندانی کردنی سێ هونهرمهندی کوردمان له میدیاکانتاندا بینی، ههواڵهکه به دوو شێوه بڵاو بووهوه ،

1- که گوایه ئهو هونهرمهندانه بازرگانییان به ماده بێهۆشکهرهکانهوه کردووه

2- ههر ههمان سهرچاوه دهڵێت،  که گوایه ئهو هونهرمهندانه بهکارهێنهری ئهو مادانه بوون.

ئێمه هیواداریین ههواڵهکه ڕاست نهبێت و دوور بێت له ڕاستییهوه ، بهڵام گهر ڕاستیش بێت ، جیاوازی له نێوان ههواڵی یهکهم و ههواڵی دوههمدا زۆر گهورهیه ، بهکارهێنانی ئهو ماده بێهۆشکهرانه له زۆربهی وڵاته ئهوروپێکاندا به تاوان ناژمێردرێت . چونکه کڕینی بۆ مهبهستی بهکارهێنانی بۆ خودی خۆی، تهنها زهرهر له خۆی دهدات نهک له کۆمهڵگا ، له لایهکی تریشهوه ئهو جۆره کهسانه تووشی ئیدمان بوون و کارهکه تا ڕادهیهکی زۆر له دهستیان دهرچووه و پێویستیان به چارهسهر کردن ههیه .

بهڕێز

ئێمه داوا له بهڕێزتان دهکهین که ئهم کاره پێویستی به دواداچونهوه ههیه و ناو زڕاندنی هونهرمهندان تاوانێکی گهورهیه ، زۆر جار ئهو ههواڵانهی له سهر هونهرمهندان بڵاو دهکرێتهوه له بوختان زیاتر هیچی تر دهرنهچووه و تهنها بووهته هۆی ساردکردنهوهی هونهرمهندهکه له جیهانی هونهر.  گهر ههواڵهکه ڕاست نییه و بێ بناغهیه، ئهوه دهبێت .

1- له لایهن ڕاگهیاندنی ئێوهوه بهیانێکی ڕهسمی دهربچێت و ئهو ههواڵه به درۆ بخاتهوه، وهک چۆن ڕاگهیندنی ههولێر بهیانێکی ڕهسمی دهرکرد دهربارهی کاک ئازا حهسیب قهرهداخی بهڕێوهبهری زاگرۆس تیڤی و دهستپاکی ئهو بهڕێزهی پشت ڕاست کردهوه.

2- ئهو پهت و دهزویانهی ئهو ههواڵانهیان به درۆ ڕاگهیاندووه ، بدۆزرێنهوه و سزا بدرێن.

3- ههر سێ هونهرمهند قهرهبوو بکرێنهوه ، بهرامبهر ئهو ناو زڕاندنهی که پێیان کرا.

هیوادارین داواکهمان تهماشا بکرێت و پشتگوێ نهخرێت ، ڕێزمان دو باره دهکهینهوه .

هۆگر محهمهد