سێ له هونهرمهندانی كوردستان به گومانی بهكارهێنانی ماددهی بێهۆشكهر دهستگیركران

PNA - بهختیار مهلا ئهحمهد / سلێمانی – سهرچاوهیهك له بهڕێوهبهرایهتی ئاسایشی پارێزگای سلێمانی ئهمڕۆ (یهكشهممه) رایگهیاند، سێ لهو تاوانبارانهی بههۆی بهكاربردن و بازرگانی كردن به ماده بێهۆشكهرهكان كه له ماوهی مانگی رابردوو لهلایهن هێزهكانی ئاسایشی سلێمانی دهستگیركراون، كهسایهتی نێو هونهری كوردین و لهمانه كامهران عومهر و بهختیار ساڵح.
بهشی راگهیاندنی بهڕێوهبهرایهتی ئاسایشی پارێزگای سلێمانی ئهمڕۆ له راگهیاندنێكدا بڵاویكردهوه كه رێككهوتی (22/5/2006) هێزی ئاسایش له بازگهی پێنجوین، هاوڵاتییهكی بهناوی (ههڵكهوتی ساز) دهستگیركردووه و دوای پشكنینی ناوبراو دهركهوتووه، كه بڕی یهك كیلۆ مادهی (تریاك)ی له ناو ئامێرێكی ئهمپریفایهر حهشاردابوو.
له درێژهی راگهیاندنهكهدا هاتووه: "ههڵكهوتی ساز" بۆ ئهوهی ههست به بۆنی تریاكهكه نهكرێت زهردهچێوهی پێداكردبوو، ناوبراو بهنیاز بووه ئهو ماده بێهۆشكهره بگهیهنێته ناو شاری سلێمانی و به موعتادهكانی بفرۆشێت.
ههروهها سهرچاوهكه گوتی: ئهو كهسانهی كه كڕیاری مادهی تریاك له (ههڵكهوتی ساز) بوون، هونهرمهندان (میدیا حسێن) و (بهختیار ساڵح) و (كامهران عومهر) و ژمارهیهك هاوڵاتی دیكه بوون كه له نێوانیاندا ههردوو هونهرمهند (میدیا حسێن) و (بهختیار ساڵح) لهگهڵ ژمارهیهكی دیكه دهستگیركراون، بهڵام (كامهران عومهر) رایكردووه.
سهرچاوهی ناوبراو ئاماژهیدا ئهو تاوانبارانه، لهلایهن دادوهری لێكۆڵینهوهی ئاسایشی سلێمانی به پێی مادهی (14)ی ماده بێهۆشكهرهكانی سزای عێراقی دادگایی كراون و بڕیاری زیندانی كردنیان بۆ دهرچووه.