نوێترین ئهلبوومی هونهرمهند ( ئهردهلان بهكر ) بهناوی ( خهونێ بوو ) بهم نزیكانه بڵاودهكرێتهوه

PNAـ ههڵۆ محهمهد/ ههولێرـ هونهرمهند ئهردهلان بهكر لهپهیوهندییهكی تهلهفۆنی سهبارهت بهدواین كاری هونهری به سایتی پهیامنێری راگهیاند: بهرههمی ئهم جارهم بهناوی خهونێ بووه، ئهم بهرههمه لهحهوت تراك بهناوهكانی (ئیمشهو دل مهرگی گریانه ، بۆ نایهی بتبینم ، بێریه بێریه ، خهونێ بوو ، رۆحی من ، كرمان شان رازاوه رازاوه ) یه پێكهاتووه.
تێكستی 6 تراك لهلایهن ( جهبار حهبیب ) نووسراوه و یهكێكیش لهلایهن ( شێروان بهكر)ی برام نووسراوه، سهرجهم ئاوازهكان لهلایهن من شێروان بهكر دانراوه، جگه لهیهكێكیان نهبێ كه ئاوازی یۆنانیه ، بڕیاره دهزگای بڵاوكردنهوهی هونهری (نهوا) بڵاویبكاتهوه.
سهبارهت بهو بێدهنگیهی كه ماوهیهكی خایهند، ئهردهلان بهكر گوتی :" لهوانهیه خهڵك ئاگاداری كاركردنی من نهبێ ، من زۆر بهزهحمهت و به ووردی كار لهگهڵ شیعر و ئاوازدا دهكهم، سهرهڕای ئهوهی هیچ كهسێك نیه پشتگیریم بكات. من لام گرنگ نیه ساڵانه بهرههمێك بخهمه بهر گوێی بیسهران ، بهلای منهوه گرنگه كاری باش و پوخت بكرێت.
سهبارهت به ئاواز و شیعری گۆرانی ( كچی گاور) ئهردهلان گوتی :" دیاره ههموو كهسێ مافی خۆیهتی خۆشهویستی بكات ، خۆشهویستی هیچ پێوهرێكی نیه و سنور له نێوان ئێمه و ئهوانهی خۆشمان دهوێت نیه، بۆیه منیش كهوتمه داوی عهشقی كچێكی گاور خۆشهویستیهكی پاك له نێوان ههبوو ، دوای ئهوهی به كتوپڕ بهببێ ویستی خۆمان لێكدابڕاین ، زۆر ئازارم چهشت ، ئهو ئازارهش ههوێنێ شیعری گۆرانی گاوری لا ئهفراندم.
هونهرمهند ئهردهلان عومهر دوای ئهوهی رهشبینی خۆی له ئاستی هونهری كوردی پیشانداو گوتی :" هونهری كوردی نهگهیشتۆته ئهو ئاستهی رێچكهی خۆی بگرێت، له هونهری گهلانی دیكه جیا ببێتهوه، لهلایهكی دیكهوه حزبه كوردیهكانیش دهست دهخهنه ناو كاری هونهریهوه پشتگیری ههندێ هونهرمهند دهكهن و ههندێكی دیكهش پێشتگۆێ دهخهن، له كوردستان كهس خهم لهوه ناخوات كه كارێكی وابكرێت هونهرمهند بههونهرهكهیهوه بژێت.ئهمهش وایكردووه، ههندێ هونهرمهند لهلایهن حزبهكانهوه ئیستغلال بكرێن.
سهبارهت به راگهیاندنی كوردی و رۆڵی لهناساندنی هونهری كوردی ، گوتی :" بهداخهوه كهناڵهكانی راگهیاندن هیچ فهزڵێكیان له جیاكردنهوهی كاری باش و هونهری و كاری ناهونهری نیه. ئێستا رۆژانه شتی ناشاز لهم میدیایانه دهبینم.