هونهرمهند ماهیر كوردستان بهرهو سوید بهجێدێڵێت

[13:34 , 10 Aug 2006]

PNA- عهبدولغهفار عهبدوڵڵا- ههولێر/ بههۆكاری تایبهتهوه هونهرمهندی گۆرانیبێژ ماهیر كوردستان بهرهو وڵاتی سوید بهجێدێڵێت.
هونهرمهندی گۆرانیبێژ ماهیر له لێدوانێكی تایبهتدا به-پهیامنێر-ی راگهیاند سبهی ههینی كوردستان و ههولێری پایتهخت بهجێدێڵێت و بهرهو وڵاتی سوید سهفهر دهكات.
ماهیر ههروهها دهربارهی ئهلبومی تازهی گۆرانییهكانی گوتی:" بۆ بڵاوكردنهوهی ئهلبومه نوێیهكهم، كه تا ئێستا بڵاوم نهكردۆتهوه، لهگهڵ چهند كۆمپانیا و دهزگهیهك له كوردستان گفتوگۆم كردووه، بهڵام تا ئێستا نهگهیشتوومهته هیچ رێككهوتنێك".
ماهیری گۆرانیبێژ دهربارهی سهفهرهكهشی بۆ دهرهوهی كوردستان و بهردهوامیی له كاری هونهری گوتی:" هیوادارم له تاراوگه بتوانم زیاتر برهو به كاره هونهرییهكانم بدهم".
ماهیر ئاماژهی بهوهشدا كه هاوسهرهكهی و تاقه كوڕهكهی
هاوسهفهری دهبن.