ههڵوێست وهرگرتن ویاداشتنامهیهك له (ناوهندى هونهریی هاموون)هوه
ناوهندى هونهریى هاموون كه ناوهندێكى هونهرییه و سهر به كۆمهڵهى چالاكییهكانى هاموونه ، له ڕێكهوتى 11/10/2005 دامهزراوهو هێشتا ساڵێك بهسهرتهمهنیدا تێنهپهڕى كه توانى به جوانترین شێوه خۆى له نێوهنده هونهریییهكانى شارى سلێمانى و كوردستاندا به گشتى ببینێتهوهو ببێته جێگاى ئافهرین و تێڕامانى زۆرێك له دڵسۆزان و هونهرمهندان. لهوماوهیهدا بۆ یهكهمجار له كوردستانى ئازیزدا توانرا ڕۆژنامهیهكى هونهریی تایبهت به ناوى(هارمۆنى) دهربكرێت و 12 ژمارهى ڕهنگاو ڕهنگى 16 لاپهڕهیى به جوانترین شێوه بخرێته بهر دیدهى خوێنهرانى.. سهربارى كردنهوهى چهندین پیشانگاى شێوهكارى و فۆتۆ و كردنهوهى چهندین ۆرك شۆپى هونهریى و سازكردنى كۆڕِه هونهرییهكان و بانگهێشتى مامۆستایانى هونهر بۆسازكردنى سیمینارهكان و دهستپێشخهرى له دروستكردنى دهیان دهنگى گهنج و خڕِ كردنهوهى سهدان فێرخوازى بهشه هونهرییهكانى (موزیك و گۆرانى و شیوهكارى) له چواردهورى مامۆستاكانیان كه سهرجهمیان مامۆستاى كارامهو ئهكادیمین. ڕهنگه نهتوانین له یاداشتێكى وههادا ههرچى چالاكی ناوهندهكهیه بخهینه ڕوو به هیندهى ئهوهى مهبهستمانه لهم یاداشتهدا ئهوه ڕوون بكهینهوه كه : دواى 5 مانگ له دامهزراندن و بهردهوامیمان ئهم ناوهنده توشى قهیرانى ئابورى هات به بڕِین و گرتنهوهى نهسریهكان لێى ، ئهویش بههۆى ئهو باره نالهبار و خراپهى دووچارى (كۆمهڵهى چالاكییهكانى هاموون ) هات و سهرجهم نهسرییهى كۆمهڵَهكه كه مانگانه لهحكومهتهوه وهریان دهگرت وهستینرا ، ئهمهش دهرهنجامى ئهو چاودێرییه ورد و پێویستهى كه لهو ماوهیهدا لیژنهى چاودێرى و دارایى ههڵسان پێى بۆ دهستنیشان كردن و لێپێچینهوهى زۆریك له كهموكوڕى و گهندهڵَییهكانى نێو (كۆمهڵهى چالاكییهكانى هاموون) كه ههبوون و ڕویاندابوو. ئێمهى ئهندامانى ناوهندى هونهریى هاموون ، پاش چاوهڕوانییهكى زۆر بۆ بارهكهو تێگهیشتن له ئاكامهكانى ئهو مهسهلهیه ڕۆژانه پهیوهندیمان دهكرد به كۆمهڵهكهو ئهوانیش دهیان بهڵێن و ئهم ڕۆژو ئهم ههفتهیان پێدهكردین كهههموو ئهو بهڵێنانه بهردهوامى دهكردینهوه له ئیش و كارهكانمان و پێشكهشكردنى چالاكییه یهك بهدوای یهكهكانمان و دهركردنى چهند ژمارهیهكى ڕۆژنامهى هارمۆنى كه ئهمانه گشتى لهسهر گیرفانى خۆمان كرا و دواجار ئێمهى پی قهرزار بووین سهربارى نهدانى 4 مانگ موچهى كارمهندانمان و كرێى بارهگاى ناوهندهكهمان، بۆیه پاش ئهو ههموو چاوهڕوانییه ههست بهوه دهكهین قهیرانهكان زیاد بوون و هیواو ئاسۆكانیش لێڵتر، ئێمه چیتر ئهم چاوهڕوانى و بارهمان پی قبوڵ ناكرێت و ههڵوێستى خۆمان ڕادهگهیهنین به وهستانى گشت كارو چالاكییهكانمان تا ههموو مافه (مادى و مهعنهوى)یهكانمان بۆ دهگهڕێتهوه.. ئومێد دهكهین (كۆمهڵهى چالاكییهكانى هاموون) و گشت لایهك ئاگادارى ئهم ههڵوێست و یاداشتنامهیهمان بن . سهركهوتن و بهردهوامى بۆ ههموو لایهك دهخوازین ناوهندى هونهریى هاموون 15/8/2006