بهڕێوهبهری ڕادیۆی نهوا ئهلبومهكهی ( میكائیل ) لهبازار كۆپیهكی زۆری لێكراوه

[17:07 , 06 Sep 2006]

PNAـ عهبدولغهفار عهبدولڵا/ ههولێر ـ چهند ڕۆژێك لهمهو بهر چهند دهزگایهكی ڕاگهیاندن دهنگ و گۆی ئهوهیان بلاَوكردهوه كه گوایه سی دیه نوێهكهی ( میكائیل ) نه فرۆشراوه و دهزگای چاپ و
بلاَوكراوهی ڕادیۆی نهوا ، كه ئهركی بلاَوكردنهوهی له ناوهو
دهرهوهی كوردستان له ئهستۆ گرتبوو ، بڕی ( 4000 ) ههزار دۆلاری تێدا زهرهر كردوه .
لهم بارهیهوه ( كورده حهسهن ) بهڕێوهبهری ڕادیوی نهوا له لێدوانێكی تایبهت بۆ پهیامنێر گوتی: بهرههمی هونهرمهند ( میكائیل ) هێشتا له بازارهكانه و هیچ ئامارێكی فرۆشتهنیمان نهكردوه تاوهكو بزانین چهند فرۆشراوه و چهندیش ماوهتهوه، بهلاَم بێ گومان ئهگهر بێت و كۆپی نهكرابوایه ڕێژهیهكی باشتری لێ دهفرۆشرا.
سهبارهت بهزیانی دارایی كه بههۆی ئهو سی دیهوه كهوتۆتهوه،
( كورده ) گوتی : شتی وا ئهسڵ و ئهساسی نیه ئێمه به هیچ دهزگایهكی ڕاگهیاندنمان
نهگوتووه ئهو پڕه پارهیهمان له سی دیهكهی ( میكائیل ) زهرهركردوه ، پێم سهیره دهزگاكانی ڕاگهیاندن لهخۆیانهوه ههواڵی لهم جۆره بلاَودهكهنهوه ، بهبێ ئهوهی لێدوانێكی ڕهسمیان له لابێت كه لهلایهن ئێمهوه درابێت.
له درێژهی لێدوانهكهی دا بهڕێوهبهری ڕادیوی نهوا گوتی: ئێمه كه بهرههمی هونهرمهندانی گۆرانیبێژ بلاَودهكهینهوه بۆ ئهوهیه سودی بۆ خودی هونهرمهندهكهو ئێمهش ههبێت ، ئێستاكهش ئهلبومی چهندین هونهرمهندمان لایه و له داهاتوودا به شێوهیهكی چاك له ناوه دهرهوهی كوردستان بلاَوی دهكهینهوه..