شیلان عوسمان ؛ كه سیدى سۆزى دایك تۆمار كرا، باوكم تهلهفیزیۆنى ماڵى خۆمانى بۆ فرۆشتم

Kurdistan TV

8.26 - ktv سلێمانى / شیروان محمهد ئهمین
هونهرمهند شیلان عوسمان یهكێكه لهو خانمانهى زوو خۆى كرده ، نێو مهیدانى هونهرى گۆرانى بێژى ، له دیمانهیهكى تایبهت خۆشحاڵى خۆى دهربڕى كهوا تهنها گۆرانى نیشتمان له سیدى سۆزى دایك یهكهم جار بڵاو كرایهوه بهرههمى تهلهفیزیۆنى ئاسمانى كوردستان دهرچوو هاوكات گلهیى ونیگهرانى خۆى ئاڕاستهى وهزارهتى ڕۆشنبیرى و كهناڵى ئاسمانى كوردسات دهكات لهبهر ئهوهى هاوكاریان نهكردوه وهك خۆى دهڵێت " ماوهى سێ ساڵه بهرههمێكم داناوهو هیچ لێپرسینهوه یان نییه،
ساڵى چهندله دایك بووهوچۆته ژیانى هاوسهریهتى و دهستى كردووه بهكارى هونهرى ؟
ساڵى 1980 له گهڕهكى سهر شهقام شارى سلیمانى له دایك بووم، ساڵى 2003چوومه ژیانى هاوسهرى یهوه. 1995دهستم كرد به كارى هونهرى كه زیاتر له فیستفاڵ و كۆنسێرتهكاندا بهشداریم كردووه یهكهم بهرههمم ساڵى 1997 بۆ تهلهفیزیۆنى گهلى كوردوستان تۆماركرد بهناوى عهشق باران له ئاوازى مامۆستا ئهنوهر قهرهداغى و هۆنراوهى ئهحمهد ،حهمهدى شاعیر
ئایا به جیاواز تر له زمانى دایك گۆرانی دهڵێیت؟
له دواههمین بهرههمى سیدیم سۆزى دایك گۆرانییهكى كرمانجى و به سێ لیقاع گۆرانى دیكهى كرمانجى و سۆرانى و ههورامیم تۆمار كردووه ئهگهر دهرفهت ههبێت ئهتوانم زیاتر تۆمار بكهم
ئهو هۆنراوهى بۆ ئهدا كردنى گۆرانى وهرت گرت دهبێ شاعیرى ناسراو بێت؟
به بڕواى من كارێكى ئاسایى یه شعرى شاعیره لاوهكان وهربگرم ، گۆرانى بێژ بهوه دهرناكهوێت شیعرى كهسێكى ناسراو بكاته گۆرانى بهڵكو شعرێكى جوان كه سۆز و خۆشهویستى دڵداران و نیشتمان ببزوێنێ،
ئهى بیرت لهوه كردۆتهوه گۆرانى بهسهر كارهساتهكانى نیشتماندا بڵیت؟
بهڵێ، زۆر بیرم لێكردۆتهوه بۆ ههڵهبجهو ئهنفال گۆرانى بڵێم. بهڵام دهرفهت بۆ هونهرمهندى تر ههبووه ئهوه بۆ من نهڕهخساوه له داهاتوشدا ، ههرچۆنێك بێت بهو هۆیهوه گۆرانى تۆماردهكهم .

- ژیانى هاوسهرى ڕێگره له كاره هونهریهكانت یان بۆچى ؟
هاوسهرهكهم خۆشحاڵى خۆى دهردهبڕێ و زۆر هانم دهدات كهوا كارى جوانتربكهم تهنها ئهوهیه شیعرو ئاوازێكى وام دهست نهكهوتووه كه خۆم به دڵم بێت و لهگهڵ له رهى دهنگم بگونجێ ،
- شیلان حهز بهسهما دهكات ، یان گریان ؟
نهخێر به سادهترین شت دڵم پر ِدهبێت، له نێوانى یادهوهریهكانى ئهنفال به هاوارو ڕۆ ڕۆ كانى دایك گریانم دههات و هاوسهرهكهم پێى دهگوتم بۆچى هێنده گرینۆكى
- ئایا بیرتان لهوه كردۆتهوه سهردانى دهرهوهى وڵات بكهن یان داوهتنامهتان بۆ هاتووه ؟
- چهند مانگێك بهر له ئێستا داوهتنامهیهكمان له ئهڵمانیاوه بۆهات كه لهگهڵ تیپى مۆسیقاى شنروێ سهردانى ئهڵمانیا بكهین ئێًمهش ههڵساین بهكارهكه چهندین مۆسیقاو گۆرانى جوانمان ئاماده كرد به داخهوه تاكو توركیا ڕۆیشتین 15 ڕۆژ له ئهستهمبوڵ ماینهوه دواتر ڕهفزمان بۆ هاتهوه چونكه ئهڵمانیا ڕێگهى پێ نهداین وتیان لهبهر ئهوهى بۆ كارى یادى كیمابارانى ههلهَبجه دهچن ههر چهند كارى ئێمه ههر ئهوه نهبو بهڵكو فێستیڤاڵێكى گهوره كه تیپى مۆسیقاى شنروێ بهشدارى تێدا دهكرد ، بهڵام به نیازم له داهاتودا سهردان بكهم
- بهرههمى داهاتووت چییه؟
لهبهر ئهوهى ئێستا بارى تهندروستیم تهواو نییه ، بهنیازم كارێكى نوێ بكهین .
جگه له هونهرى گۆرانى بێژى بیرت له هونهرى تر كردۆتهوه به شدارى بكهیت ؟
مامۆستا جهلیل زهنگهنه چهند جارێك داوایكرد له فیلمهكانیدا بهشدارى بكهم بهڵام نهمتوانى ، زیاتر حهز له مۆزیك و گۆرانى بێژى دهكهم
- عهشق باران یاخود سۆزى دایك خۆشهویستره لات ؟
ههمووى لام خۆشهویسته چونكه زۆر لهگهڵیان هیلاك بووم ، ئهگهر عهشق باران خۆشهویست تربێت له بهر ئهوهیه سهرهتاى كارى هونهرى پێى دهركهوتم كهس ڕهخنهى لێ نهبو ..
- كاتێك تۆ بوی به گۆرانى بێژ ژمارهى ئافرهتان چهند كهسێك بون ؟
زۆر به كهمى كچان گۆرانی بێژههبوون تهنها خاتوو مهرزییه، تارا ڕهسوڵ ، پهیمان عومهر، ئهمهل سهعید كورده ، نیان عهبدوڵا، ئاڤان جهمال ، بوون بهڵام ئێستا زۆر بووه داواكارم ئافرهتان زیاتر بێنه نێو بوارى هونهرى گۆرانى بێژى ههر ئهوانیش كاریگهریان ههبوو له سهركارهكهم زۆر حهز به دهنگى خاتو مهرز ییه دهكهم
ئایا گۆرانیت ههیه تایبهت بۆ تلهفیزیۆنێك یاخود ڕا گهیاندنێك ؟
تهنها كه گۆرانى نیشتمانم تۆمار كرد لهگهڵ سیدى سۆزى دایك بڵاو بوویهوه، تایبهت بوو به كۆمپانیاى چوارچرا شاهۆتهیب ئهركى وێنه گرتنى خسته ئهستۆى خۆى ئهوهش بووه بهرههمى تهلهفیزیۆنى كوردستان تیڤى زۆر پێى خۆشحاڵ بووم ،
له ڕووى هاوكارى كردنى هونهرمهندان له لایهن وهزارهتى ڕۆشنبیرىو ڕاگهیاند نهكانهوه چی دهڵێى ؟
گلهیى زۆره؟ چونكه به ڕاستى بهرپرسانى پێوهنددار به هونهرهوه ، هونهرمهندیان پشتگوێ خستووه، تاكو ئێستا ستۆدیۆى تایبهت بۆ هونهرمهندان نییه، تاكو بتوانن بهمادهیهكى كهم بهرههمهكانیان تۆمار بكهن ،له بازاڕ داواى حهوت وهرهقه دهكرێت هونهرمهند ئهو مهبلهغهى له كوێ بوو، من كهسیدى سۆزى دایكم تۆمار كرد پارهم لێ بڕا باوكم تهلهفیزیۆنى ماڵى خۆمانى بۆ فرۆشتم بۆ ئهوهى سیدیهكهم تۆمار بكهم كه نزیكهى 40 وهرهقهى تێچوو، ههر گۆرانیهك به 1500 دینارى سویسرى تهسجیل كرا. به ڕاستى وهزارهتى ڕۆشنبیرى پێشو له سلێمانى ماوهیهك بهلێشاو مهبلهغێك پارهى بۆ كۆمهڵێك هونهرمهند سهرف كردو ئهوهش ڕاگیرا، ههروهها ڕێزو خۆشهویستیم بۆ تهلهفیزیۆنى كوردسات بهڵام لێرهوه ئهوگلهیى یه دهكهم، كه ماوهى سێ ساڵه بهرههمێكم داناوه بۆم تۆمار بكهن لێپرسینهوهیان نییه ، چهندین جار تلفۆنم بۆ كاك بهكرفهرهجى وێنهگرو كاك ئاواتى بهڕێوهبهرى كوردسات كردوه ههر دهڵێن ئهمڕۆ نا بهیانى ، وێنهگرتنهكهم پێویستى به دهرهوهى سلیمانى ههیه دهڵێن ئێمه ناچینه دهرهوهى شارى سلیمانى، دیاره وا دهكهن كه ئێمه وێنهیان لانهگرین ، كاره هونهر ییهكانم گهر به دهركهوتنیش نهبێت له تۆمارگاو ڕادیۆكان دا ههبێت، ئهوهندهم بهسه.بهڵام خهڵك دوو جار له تهلهفیزیۆن دا نهیبینێ ناچێته مێشكى یهوهو تێرنابێت ، هونهرمهندێك كه له ئهوروپا دهژى دێتهوه بۆ ماوهى مانگێك مۆڵهتى بۆ ئێره وهرگرتووه (5-6) گۆرانى وێنهى بۆ دهگرن سیدیهكى بۆ تۆمار دهكهن ئهم جیاوازى یه بۆ بكرێت ، من ماوهیهكى زۆره به هاوسهرهكهم دهڵێم با بڕۆین ههرگیز به كوردستاندا نایهمهوه كه له ژیانم دا بیرم له ئهوروپا نهكردۆتهوه ههمیشه دهموت ڕقم له دهرهوهى وڵاته
دوا پهیڤت چییه؟
زۆرسوپاس بۆئێوه كهوا بهسهرتان كردمهوه