14:00   10/09/2006 
PUKmedia عومه‌ر كه‌ریم:
 

به‌بۆنه‌ی ساڵڕۆژی كۆچی دوایی یه‌ڵماز گۆنای 9/9/1984 ده‌رهێنه‌ری سینه‌مایی به‌ناوبانگی كوردی توركیا، رۆژی 10/9 ناوه‌ندی راگه‌یاندنی زانستی سلێمانی كۆڕێكی تایبه‌تی له‌هۆڵی رووناكی سه‌باره‌ت به‌ ژیان و ئه‌و به‌رهه‌مانه‌ی كه‌ له‌ماوه‌ی ژیانیدا هه‌یبوون رێكخست.
له‌كۆڕه‌كه‌دا ژماره‌یه‌ك له‌خوێندكاران و مامۆستایانی زانكۆ ئاماده‌یبوون، خوێندكار ئومێد شه‌كیب كورته‌یه‌كی له‌سه‌ر ژیان و به‌رهه‌مه‌كانی یه‌ڵماز گۆنای پێشكه‌شكردو فیلمی (yol- رێگا) ی به‌نمونه‌ هێنایه‌وه‌ پاشان فلیمه‌كه‌ نمایشكرا.
گۆنای خاوه‌نی خه‌ڵاتی دارخورمای زێڕینی فێستیڤاڵی كان- ی فه‌ره‌نسایه‌ و چه‌ندین فیلمی به‌زمانی توركی له‌سه‌ر ژیان و مێژووی كورد به‌رهه‌مهێناوه‌ وه‌ك (یۆڵ، ئومێد، دیوار، له‌گه‌ڵ فلیمی تایبه‌ت به‌ ژیانی منداڵانی كوردی ئاواره‌ له‌ فه‌ره‌نسا).
یه‌ڵماز گۆنای 1937 له‌دایكبووه‌ و له‌ساڵی 1984 كۆچی دوایی كردووه‌.